كلها كلمتين

زائر

عنبو قصة غرام__ كل ابوها كلمتين

ابتدينا عند (احبك)
و
انتهينا عند( باي )
تونى مبعد مشينا في الهوى لو خطوتين
‏{وانتهى الموضوع} فجأه حتى
مدري شنو خطاي
إنتهى الموضوع هيك بكل سهوله تحكمين
وين احبك وين اريدك وين ساكن في حشاي
يمكن انك ماوفيتي يوم جيتي تعشقين
ويمكن انك تحسبيني بتبعك من دون رأي
ويمكن اصلا ماعشقتي بس كنتي تلعبين
ويمكن انك ماوصلتي في هواك لمستواي
ويمكن اني ماعرفتك في الحقيقه وش تبين
ويمكن اني خنت نفسي يوم اعطيتك وفاي
علميني في الهوى ياجاهله وش تعرفين
تعرفين انك غديتي شيء يجري في دماي
علميني في العطاء والتضحيه وش تفهمين
لعنبوا حيك عشانك سبت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعاده يوم اشوفك تضحكين
كنت ذايب في هواكي مثل سكر وسط ماي
كنت نايم في العسل وارسم من الفرحه سنين
كنت اظنك قلب عاشق ماسكن وسطه سواي
ماوعيت الا وأنتي في خفوقي تطعنين
ماوعيت الاوسيفك في الحشى رايح وجاي
ورده اي والله ورده بس عرفتي تجرحين
كل شي في جريح الاااا(فخامة كبرياي)
ماتأثرت بغيابك وش يعني دمعتين
بكره انسى صدقيني وارجع بكامل قواي
ادري احنا افترقنا بس ابفهم حاجتين
علميني وش كسبتي وعلميني وش خطاي
اصلا الموضوع كله ماتعدى كلمتين
التقينا عند(احبك) وافترقنا عند
‏(باي)

» دعاء يحل مشاكلك كلها باذن الله